«Қазақфильм» киностудиясының жеті фильмі үшінші мәрте өткізіліп отырған өркениетті өнер Жәрмеңкесінде көрсетілетін болады
|
«Қазақфильм» киностудиясының жеті фильмі 7-8 маусым күндері Астанада өтетін үшінші өркениетті өнер Жәрмеңкесінде көрермен назарына ұсынылатын болады. Жәрмеңкеге келген қонақтар «Май» (реж. С. Әбішев, 2009), «Выгодная сделка» (реж. А. Ганцев, 2009), «Мизам» (реж. Е. Лисасина, 2010), «Ата» (реж. А. Жүнісова, 2010), «Ақ мол болсын!» (реж. Н. Садығұлов, 2010), «Күтпеген неке» (реж. Ш. Оразбаев,2010) және «Періште» телехикаясын (реж. Р. Әлпиев және Э. Гильман, 2008) тамашалай алады. 
«Алуан түрліліктен туындаған бірлік» деп аталатын көрме әлемнің бетке ұстар суретшілерін Қазақстанда жинап, өнердегі каллиграфия, көркем сурет өнері, музыка, кино және басқа да көптеген түрлі бағыттарды бір арнаға тоғыстырып, соның арқасында Орта Азия халықтарының өнер саласына деген қызығушылығын арттырмақ. Жәрмеңкенің басты мақсаты — көрме, семинарлар, кинокөрсетілімдер арқылы шығармашылықта алуан түрлі бағытты ұстанған мұсылман елдерінің суретшілерін жұртшылыққа таныстыру.
Жәрмеңке жыл сайын Астана қаласында 7-8 маусым күндері өткізілетін 7-ші Бүкіләлемдік Ислам Экономикалық Форумының қарсаңында ВИЭФ 2011 жас көшбасшылар Форумының шеңберінде ұйымдастырылып отыр.
|
|
|
